દ્વિભાષી રાજ્યના આગ્રહી કોંગ્રેસી નેતાઓએ ગુજરાતની પ્રજાની ગુજરાતના અલગ રાજ્યની માંગણી આગળ આખરે ઝૂંકવું પડ્યું અને તા. 1લી મે, 1960ના રોજ ‘ગુજરાત’નું અલગ રાજ્ય અસ્તિત્વમાં આવ્યું. આ જંગ પ્રાંતવાદનો નહીં પરંતુ ગુજરાતની અલગ ઓળખનો હતો. ગુજરાતી ભાષા અને પ્રજાના ખમીરનો, પ્રજાના ધૈર્યનો જંગ હતો. આ જંગ કોઈ સત્તા માટે નહીં પરંતુ ગુજરાતની અસ્મિતા માટેનો હતો અને ગુજરાતની અસ્મિતાના જંગમાં છેવટે ગુજરાતની પ્રજાની જીત થઈ. બસ તેથી જ આ પુસ્તકનું નામ છેઃ ‘ગુજરાતની અસ્મિતા’.
