ડેલ કાર્નેગી રસપ્રદ શૈલી અને સરળ ભાષામાં જણાવે છે કે લોકોને પ્રભાવિત કરવાની અજમાવી જોયેલી અચૂક રીતો વાપરીને તમે કઈ રીતે વધારે સુખી અને સંપન્ન બની શકો છો. વાચકો જાણી શકશે કે પોતાના વ્યવહાર અને વાણી-વર્તનમાં પરિવર્તન લાવીને પોતાના પ્રત્યે દુનિયાના દ્રષ્ટિકોણને કઈ રીતે બદલી શકાય છે. આ પુસ્તકની વિશ્વની ઘણી પ્રસિદ્ધ હસ્તીઓએ પ્રશંસા કરી છે અને તેને અજમાવ્યું છે. આમાં જણાવેલી વાતોનું અનુસરણ કરીને તમે એવી વ્યક્તિ બની શકો છો, જે મૈત્રીપૂર્ણ અને પ્રભાવશાળી હોય તથા જેના પર લોકો વિશ્વાસ કરીને સંબંધ બનાવવા તત્પર હોય. જ્યારે તમારા ઘણા સારા મિત્ર અને ઉત્તમ વ્યાવસાયિક સંપર્ક હશે, તો તમે વ્યક્તિગત તથા સામાજિક જીવનમાં મજબૂત સ્થિતિમાં રહેશો.
